სალვადორ დალის ნამუშევრების გამოფენა წინანდალში

პირველად საქართველოში, 7 აპრილიდან 6 ივნისის ჩათვლით, JMA გალერეა QU ART quart-brussels.com და წინანდლის ალ. ჭავჭავაძის სახლ-მუზეუმი ქართველ მნახველს წარუდგენს ლეგენდარული ესპანელი მხატვრისა და მოქანდაკის სალვადორ დალის ქანდაკებებსა და ლითოგრაფიის ტექნიკით შესრულებულ ნამუშევრებს
ექსპოზიციაში წარმოდგენილი იქნება 6 ქანდაკება და 11 ლითოგრაფია, რომლებიც მხატვრის შემოქმედების ბოლო პერიოდს განეკუთვნება. მათ შორის ქანდაკებები: "სიურეალისტური ანგელოზი", "კუბისტური ანგელოზი", "ვენუსი", "ბეთჰოვენი", "ამაღლებული წუთები", "მაგიდა", რომლებშიც გაერთიანებულია სალვადორ დალის ექსტრაორდინალური ფანტაზია, მისი ხელოვნების ექსპერიმენტული ხასიათი და სტილი სტური მრავალფეროვნება, ტრადიციულისა და სტერეოტიპულობის რღვევის ნიშნები.

ეს თავისებურებები სალვადორ დალის ნამუშევრებს "მესამე განზომილებასთან" აკავშირებს, სადაც, ერთი შეხედვით, ირეალური სიტუაციები ჩვეულებრივად აღიქმება და შესაძლებელია, ერბოკვერცხის "იალქანზე" ლოკოკინა ბინადრობდეს ("ამაღლებული წუთები"), ანგელოზები კი "ღმერთამდე მიმავალ ტრანსპორტად" გვევლინებოდნენ, უჩვეულო სივრცით განზომილებებს კი, მხატვრული ხერხების შთამბეჭდაობა განაპირობებდეს ("სიურეალისტური ანგელოზი").

წინანდლის ალ. ჭავჭავაძის სახლ-მუზეუმში წარმოდგენილი იქნება ექსპოზიცია, რომელმაც უკვე მსოფლიოს ბევრ ქვეყანაში იმოგზაურა, ქართველი მაყურებელს კი, პირველად ეძლევა სალვადორ დალის ორიგინალური ქმნილებების ხილვის შესაძლებლობა.

დადიანების სასახლეთა ისტორიულ-არქიტექტურული მუზეუმი

დადიანების სასახლე _ ზუგდიდის სახელმწიფო ისტორიული მუზეუმი, დაარსდა 1921 წელს სამეგრელოს ყოფილ მთავართა სასახლეებში დაცული არქივებისა და ნივთების ბაზაზე. მოთავსებულია დადიანისეულ სასახლეში,_ ზუგდიდში.

მუზეუმში გამოფენილია ამ მხარის არქეოლოგიური (პალეოლითის, ნეოლითისა და ბრინჯაოს ხანის ნივთები) და ეთნოგრაფიული (სასოფლო-სამეურნეო იარაღი, საყოფაცხოვრებო ნივთები, ტანსაცმელი, საცხოვრებელ ნაგებობათა - "ფაცხა", "ჯარგვალი", "ოდა" - და სხვა ნიმუშები) მასალა. წარმოდგენილია ფეოდალური ხანის საქართველოს ისტორიის ამსახველი ექსპონანტები. სამეგრელოს უკანასკნელი მთავრის დავით დადიანის და მისი ოჯახის წევრთა პირადი ნივთები.

ზუგდიდის დადიანების სასახლეთა ისტორიულ–არქიტექტურულ მუზეუმში ინახება მსოფლიო მნიშვნელობის სამუზეუმო ექსპონატები და რელიგიური სიწმინდეები. მუზეუმის გარშემო მდებარეობს სამეგრელოს მთავარ დადიანთა მიერ გაშენებული ტყე-პარკი 67 ჰექტარზე, სადაც ხარობს მსოფლიოს სხვადასხვა კუთხიდან ჩამოტანილი ხეების უნიკალური და მრავალწლიანი ხეები და ბუჩქები.

დადიანების სასახლეთა ისტორიულ–არქიტექტურული მუზეუმი სამეგრელოს სასახლე-კომპლექსშია მოთავსებული (დედოფლის სასახლე, ნიკოსეული სასახლე, მთავრისეული ტაძარი და სასახლესთან არსებული დეკორატიული ბაღი).

დედოფლისეული სასახლე XIX ს –ის 60-იან წლებშია გადაკეთებული გერმანელი არქიტექტორის რაისის მიერ, მანამდე ის სამეგრელოს მთავრის დავითის დის, პუპის სასახლე იყო. რაისმა II სართულს თაღები დააშენა და ფართო ფლიგელები მიუშენა. ნიკოსეული სასახლე XIX ს-ის 80-იან წლებშია აგებული რუსი არქიტექტორის ლეონიდ ვასილიევის მიერ. რეზიდენცია ორსართულიანია, ამშვენებს ქვის აივანი და საქართველოში ყველაზე დიდი სამეჯლისო დარბაზი.

მუზეუმი დაარსდა 1921 წლის აპრილში სამეგრელოს მთავრის დავით ლევანის ძე დადიანის ძველ ნივთთა საცავ –საგანძურისა და სამეგრელოს ეკლესია–მონასტრებიდან გადმოტანილი ქართულ სიძველეთა ბაზაზე.

მის ფონდებში დაცულია 50000-მდე ექსპონატი, ეროვნული (ბრინჯაოს ხანიდან მოყოლებული XIX საუკუნის დასასრულის დადიანების მემორიალური ნივთებით დამთავრებული) და ევროპული კულტურული მემკვიდრეობის ნიმუშები .

ქორწინება

ქორწილის დღე ქალისთვის და ასევე მამაკაცისთვის როგორც ერთ–ერთი ყველაზე მნიშვნელოვანი, ასევე ერთ–ერთი ყველაზე დატვირთული დღეა მათ ცხოვრებაში. პირველ რიგში გათენებიდანვე ისინი იწყებენ მზადებას, მოკაზმვას, მორთვას გამორჩეულად ლამაზად. ქალი იცმევს თეთრ კაბას, თმაზე იკეთებს სადღესასწაულო ვარცხნილობას, რომელსაც ხშირად ფატა შვენის. მამაკაცს აცვია შარვალ–კოსტუმი, ამშვენებს პიჯაკი და ჰალსტუხი. საქართველოში კაცი აკითხავს ქალს სახლში და ზეიმით მიყავს ჯვრის დასაწერად, სხვა ქვეყნებში ძირითადად ერთად იწყებენ ქალი და კაცი მსვლელობას. ამ დღეს მანქანებს საზეიმოდ რთავენ, ასევე ადგილს სადაც ცერემონია უნდა გაიმართოს. ჯვარდაწერილი ცოლ_ქმარი მაყართან ერთად სუფრისაკენ მიემართება. მათ ყველანი ლოცავენ, ადღეგრძელებენ, ულოცავენ დაქორწინებას, ჩვენთან ინიშნება თამადა, რომელიც უნდა გაუძღვეს სუფრას და სადღეგრძელოები პირველმა წარმოთქვას. იმართება ცეკვა, ზეიმი პატარა ამაღლებულ ადგილზე. შემდეგ დედოფალი ზურგით შებრუნდება და თაიგულს დანარჩენებისკენ გადააგდებს.

იქ მხოლოდ ჯვარდაუწერელი ახალგაზრდები დგანან და ამბობენ ვინც თაიგულს დაიჭერს ის გაბედნიერდება შემდეგი. ეს ტრადიცია ისევე როგორც საქართველოში ხდება რუსეთში, ამერიკაში, თითქმის ყველა ევროპულ ქვეყანაში. ბოლოს პატარძალი ტორტს ადებს დანას პირველ ჭრილს ტრადიციის მიხედვით ის აკეთებს ტორტზე. ქეიფი და დროსტარება გრძელდება ღამემდე. ბოლოს კაცი ქალს ხელში აყვანილს მიიყვანს საძინებელ ოთახამდე.

ოქსფორდის უნივერსიტეტი

”განათლება - არის ის, რაც თქვენ დაგრჩებათ, როდესაც დაივიწყებთ ყველაფერს,რასაც სწავლობდით.” ( ბერრეს ფრედერიკ სკინერი -ამერიკელი ფსიქოლოგი და მწერალი)



დაწყებითი და საშუალო განათლებისგან განსხვავებით უმაღლესი განათლება განვითარებულ ქვეყნებშიც კი არ არის საყოველთაო. მაგრამ წამყვან ქვეყნებში უმაღლეს განათლებას გადის მოსახლეობის თითქმის ნახევარი. ტრადიციულად უმაღლესი განათლება შესდგება ორი ეტაპიდან: ბაკალავრიატი და მაგისტრატურა. უმაღლესი განათლების ძირითადი სასწავლო დაწესებულებებია - უნივერსიტეტი და კოლეჯი. უმაღლესი სასწავლებლის კურსდამთავრებული ღებულობს დიპლომს,ზოგ ქვეყანაში მაგისტრატურისა და დოქტორანტურის გავლისა და დაცვის შემდეგ - სამეცნიერო ხარისხსა და წოდებას.

გსურთ მიიღოთ კარგი განათლება და იყოთ დაფასებული თქვენ ქვეყანაში???
ეწვიეთ ოქსფორდის უნივერსიტეტს!!!


ოქსფორდის უნივერსიტეტი მდებარეობს ოქსფორდში, ინგლისი, და ინგლისურენოვანი მსოფლიოს უძველესი უნივერსიტეტია.

უნივერსიტეტის დაფუძნების ზუსტი თარიღი არ არსებობს თუმცა მის ფესვებს მე-11 საუკუნისკენ მივყავართ. ლეგენიდის მიხედვით, 1209 წელს პროფესორ-მასწავლებელთა და ადგილობრივ მოქალაქეთა შორის აურზაურისა და კონფლიქტის შედეგად აკადემიკოსთა ნაწილი ოქსფორდიდან ჩრდილო-აღმოსავლეთით კემბრიჯის ქალაქში გაიხიზნენ სადაც მათ კემბრიჯის უნივერსიტეტი დააფუძნეს. ოქსფორდისა და კემბრიჯის უნივერსიტეტებს (ერთობლივად მოიხსენიებენ როგორც ოქსბრიჯს) მას შემდეგ ურთიერთ ჯიბრის დიდი ისტორია აქვთ და მოიხსენიებიან გაერთიანებული სამეფოს ყველაზე ელიტურ და პრესტიჟულ უნივერსიტეტებად.

ოქსფორდი-პატარა ქალაქი ტემზის ნაპირთან. მოსახლეობის თითქმის 10 % სყუდენტია. ეს სტატისტიკური მონაცემებია. ამ ქალაქში მოხვედრისას, სინამდვილეში, ისეთი გრძობა გეუფლება თითქოს აქ 90 % პროცენტი სტუდენტიაო. სწორედ ამიტომ, ახალგაზრდობის დიდი რაოდენით დაგროვების გამო, ამ პატარა ქალაქში სიცოცხლე დუღს.

ყვავილის ქოთნის ახალი მოდელი:)))

სათაური სასაცილოდ ჟღერს მაგრამ, სინამდვილეში ესაა ნოვაციური გამოგონება , რომელიც ერთი შეხედვით ძალიან მარტივი და ამავდროულად მეტად საჭირო რამაა, იმისათვის რომ თესლიდან მცენარემ ადვილად შეძლოს გაზრდა და განვითარება ქოთანი დაყოფილია რამოდენიმე შრედ. მცენარის ზრდასთან ერთად შიდა შრეები იშლება და ქოთანი ფართოვდება, ასე რომ სრულიად თავისუფლადაა შესაძლებელი თქვენი საყვარელი მცენარე მუდმივად ერთ ქოთანში ამყოფოდ , ყოველგვარი გადარგვის გარეშე.

პანდა დათვის ოფიციალური დაკრძალვა

ჩინეთს კიდევ ერთი გამანადგურებელი მიწისძვრა დაატყდა თავს. რამაც ბუნებრივი ნაკრძალ wolong-ის ყველაზე საყვარელი და ცნობილი ბინადრის – პანდა დათვის სიცოცხლე შეიწირა.

ცხრა წლის მაო-მაო გარდაცვლილი იპოვეს ნაკრძალის ღობის ნამტვრევებში რომელიც მიწისძვრით გამოწვეულმა მეწყერმა დაანგრია, ამ ამბავმა ძალიან დაამწუხრა ყველა და ნაკრძალის მეპატრონე Zhang Hemin-მ გადაწყვითა მაო-მაოსთვის სათანადო პატივი მიეგოთ.

პანდა მომვლელებმა და ნაკრძალში მომუშავე ხალხმა სპეციალურად მისთვის განკუთვნილ ხის ყუთში გადაასვენეს, სამ წუთიანი დუმილის შემდეგ კი დიდი მწუხარებითა და პატივით დაკრძალეს. დაკრძალვას უამრავი პატარა დაესწრო რომელთაც განსაკუთრებით უყვარდათ მაო-მაო.

თვალების ფერი და ჰეტეროქრომია

ზოგიერთ ადამიანს სხვადასხვა ფერის თვალი აქვს. მეცნიერები ამ მოვლენას ჰეტეროქრომიას ეძახიან და მას მელანინის სიჭარბით ან ნაკლებობით ხსნიან.

განსხვავებული ფერის თვალებით თეთრი ან ღია ნაცრისფერი ბეწვის მქონე, თურქული ვანისა და ანგორის ჯიშის კატები გამოირჩევიან, რომელთაც ერთი თვალი ღია თაფლისფერი, ყვითელი ან სალათისფერი, მეორე კი ცისფერი აქვთ.

ძაღლებს შორის სხვადასხვა ფერის თვალი ციმბირული ხასკის ჯიშის წარმომადგენლებს აქვთ.
ჰეტეროქრომია ცხენებშიც შეიმჩნევა. ცხოველს შეიძლება, ერთი თვალი ყავისფერი ან თეთრი, მეორე კი ნაცრისფერი ან ცისფერი ჰქონდეს.

სხვადასხვა ფერის თვალები ველურ ძროხებსა და აზიურ ხარებშიც შეიმჩნევა.

ადამიანებს შორის ყველაზე ცნობილი ჰეტეროქრომი ანუ სხვადასხვა ფერის თვალის მქონე ადამიანები ალექსანდრე მაკედონელი და მომღერალი დევიდ ბოუი იყვნენ.

არსებობს სამი სახის ჰეტეროქრომია: მთლიანი ანუ როცა ადამიანს სხვადასხვა ფერის (ვთქვათ, ერთი თაფლისფერი, მეორე - ცისფერი) თვალი აქვს; ნაწილობრივი - როცა ერთ თვალში ორი ფერი შეინიშნება; ცენტრალური - როცა შავი რგოლის გარშემო თვალი ვთქვათ, თაფლისფერია, ხოლო კიდისკენ განსხვავებული შეფერილობა აქვს.